«Жасыл болашақ – таза бұлақ» шарасы өтті
Қоршаған ортаны қорғау, экологиялық мәдениетті қалыптастыру және елді мекендердің санитарлық жағдайын жақсарту мақсатында аудан көлемінде «Таза Қазақстан» республикалық экологиялық акциясы аясында «Жасыл болашақ – таза бұлақ» атты кең ауқымды іс-шара ұйымдастырылды. Бұл бастама экологиялық жауапкершілікті арттыру және тұрғындарды табиғатқа деген жанашырлыққа баулу жолында маңызды қадам болып табылады.
Іс-шара барысында ауданның барлық аумағында ағаш егу жұмыстары жүргізіліп, саябақтар мен аулалар абаттандырылды. Сонымен қатар, көшелер мен қоғамдық орындар тазаланып, жасыл аймақтардың күтімі мен бағыты қолға алынды. Бұл жұмыстардың барлығы ауданның экологиялық ахуалын жақсартуға және қалалық көгалдандыруды нығайтуға бағытталды.
Акцияға аудан әкімдігі мен барлық мемлекеттік мекемелердің ұжымдары, білім беру ұйымдары және белсенді азаматтар белсене қатысты. Олар табиғатты қорғау және туған жердің тазалығын сақтаудың әр азаматтың ортақ міндеті екенін көрсетіп, бірлесе жұмыс істеді. Қатысушылар өздерінің белсенді қатысуларымен бұл шараның маңыздылығын тағы да дәлелдеді.
Іс-шара барысында бірқатар жасыл аймақтар құрылып, әртүрлі ағаш түрлері мен өсімдіктер отырғызылды. Бұған қоса, тұрғын үйлердің аулаларындағы абаттандыру жұмыстары жүргізіліп, қоғамдық орындар мен көшелердің тазалығы қамтамасыз етілді. Осылайша, ауданның экологиялық жағдайы мен жалпы көрінісі айтарлықтай жақсарды.
Бұл акцияның негізгі мақсаты – экологиялық мәдениетті қалыптастыру және қоршаған ортаны қорғауға тұрғындарды белсене тарту. Аудан әкімі мен ұйымдар осындай шараларды тұрақты түрде өткізуге ниетті. Қала мен ауданның тұрғындары арасында экологиялық жауапкершілікті арттыру, жасыл желектерді күтіп-баптау және табиғатты қорғау ісі одан әрі жалғасын табады.
Аманкелді АҚШАЛ.
