«САРЫ-ШАҒАН» ПОЛИГОНЫНДА ҰЛЫТАУ ОБЛЫСЫНЫҢ ӘСКЕРИ МІНДЕТТІЛЕРІМЕН ЖИЫН БАСТАЛДЫ
Еліміздегі Қарулы Күштердің жауынгерлік әзірлігін арттыру, әскери дайындалған резервті жинақтау және мамандықтар бойынша азаматтарды даярлау мақсатында «Астана» өңірлік қолбасшылығының 06708 әскери бөлімінде өтіп жатқан жиынға Ұлытау облысының да әскери міндеттілері келді.
Жиын тамыздың соңына дейін өтпек. Іс-шара барысында артиллериялық бөлімшелердің мамандарын әскери техниканың әр түрін қолдана отырып қайта даярлау жүргізіледі.
Шақыртылған әскери міндеттілер бөлімшелер, взводтар мен роталар құрамына бірігуде тәжірибеден өтеді. Әскери жиынға қатысушылар қызметкерлермен бірдей заттай мүлікпен, тамақпен және медициналық қызмет көрсетумен қамтамасыз етілетінін атап өткен жөн.
Одан бөлек, әскери жиындардан өту кезеңінде жұмыс орны мен атқаратын лауазымы сақталады. Әскери міндеттілерге орташа жалақы да төленеді.
