Қазақстанда әскери билеттерді беру тәртібі өзгерді

Қорғаныс министрі әскери міндеттілер мен әскерге шақырылушыларды әскери есепке алу қағидаларына өзгерістер енгізді.

Құжатқа сәйкес, бейбіт уақытта әскери билеттер мына азаматтарға беріледі:

• Қорғаныс істері жөніндегі басқармаларда (бөлімдерде) әскери қызметке немесе жиындарға шақырылғандарға;

• әскери және арнаулы оқу орындарына қабылданғандарға;

• мамандандырылған ұйымдарда ақылы негізде әскери-техникалық және өзге де мамандықтар бойынша әскери даярлық резерві бағдарламасынан өткендерге;

• запастағы офицерлер мен сержанттарды даярлау бағдарламалары бойынша әскери дайындықтың толық курсын аяқтағандарға.

Бұйрық 14 қарашадан бастап қолданысқа енгізіледі.