Ұлытаулықтар жаңа мамандықтарды игеруде
Ұлытау облысында «Табысты отбасы» жобасының екінші кезеңін 26 адам тәмамдады. Оларға жалпы сомасы 150 АЕК көлеміндегі жабдықтар (ноутбуктер, тігін машиналары, кушеткалар және т.б.) берілді.
Бұл әлеуметтік жоба көпбалалы аналарға, сондай-ақ ерекше қажеттіліктері бар балаларды тәрбиелеп отырған отбасы мүшелеріне, аз қамтылған отбасыларға және жастар өкілдеріне өз ісін бастауға мүмкіндік берді.
Салтанатты шараға облыс әкімі Ұлытау Берік Әбдіғалиұлы, «Самрұқ-Қазына» АҚ өңірлік еншілес ұйымдарының, «Samruk-Kazyna Trust» қамқоршылық кеңесінің және атқарушы органдардың өкілдері, сондай-ақ жоба жетекшілері қатысты.
️ «Әр отбасының әл-ауқаты, материалдық тұрақтылығы – бұл бүкіл облыстың әлеуметтік әл-ауқаты. Егер әркім өзінің сүйікті ісімен айналысатын болса, онда халық арасында жұмыссыздық азаяды деп үміттенеміз. Баршаңызға денсаулық пен өркендеу тілеймін», – деді өңір басшысы.
Айта кетейік, Ұлытау облысында «Табысты отбасы» жобасын іске асыру басталғаннан бері «ЅММ», «Кондитерлік іс», «Тігін іс», «Автоэлектрик» және «Сұлулық индустриясы» мамандықтары бойынша 40 тұрғын білім алды.
Post Views: 273
