Жастарға арналған ауқымды форум өтті

Өткен аптаның басында облыс орталығында нашақорлыққа қарсы күрес бойынша ауқымды форум өтті. Оған өңірдің студенттері мен оқушылары қатысты. Ал форумды полиция қызметкерлері ұйымдастырды.

Бүгінгі күннің өзекті мəселесін арқау еткен іс-шараға спортшылар, еріктілер, заңгерлер мен қоғам белсенділері қатысып, нашақорлық мəселелері мен оның алдын алу шараларын кеңінен талқылады. Форумға сондай-ақ 700-ден астам оқушылар мен студенттер қатысты.
Форумның ашылуында облыс əкімі Дастан Рыспеков, прокуратура, құқық қорғау органдарының, сот жүйесінің жəне денсаулық саласының басшылары сөз сөйлеп, форумның маңыздылығына тоқталды. Спикерлер өз сөздерінде нашақорлықтың ауыр зардаптары мен жастарды қорғау шараларын, сондай-ақ, өзекті əлеуметтік мəселелерді шешу жолдарын талқылады. Синтетикалық есірткі арқылы жастар мен болашақ ұрпақтың əл-ауқатына төнетін қауіпке ерекше назар аударылды.
Форумға арнайы келген танымал киноактерлер Шерхан Пірназар, Диас Мырзахмет жəне өнерпаз Ақтоты Болшова өз өнерлерін ортаға салды. Танымал актерлердің орындауындағы «Нашақордың монологы» қойылымы қатысушыларға ерекше əсер қалдырды.

Аманкелді АҚШАЛ.