Еңбек адамы – ел мерейі

Адам баласының өмір сүруінің, қоғамның алға басуының басты негізі – еңбек. Еңбек арқылы адам тек өз тұрмысын жақсартып қана қоймайды, сонымен бірге елінің өркендеуіне де үлес қосады. Осы тұрғыдан алғанда, еңбек адамы – нағыз қаһарман, ел мерейін өсіретін тұлға.

Елдің даму деңгейі, мәдениеті мен өркениеті – ең алдымен еңбекке деген көзқараспен өлшенеді. Адал еңбек еткен адам – әрқашан құрметке лайық. Олар – таң атпай тірлікке кірісіп, маңдай терін төгіп, ешкім байқамайтын ауыр жұмысты атқарып жүрген қарапайым жандар. Дегенмен, дәл сол қарапайым еңбек адамдарының арқасында мектеп те салынады, жол да төселеді, нан да піседі.

Бүгінде түрлі салада еңбек етіп жүрген адамдардың барлығы – ел экономикасының қозғаушы күші. Ұстаз — ұрпақ тәрбиелейді, дәрігер — адам өмірін сақтайды, құрылысшы — қала тұрғызады, шаруалар — жер еміп, елді асырайды. Осындай әр салада маңдай терін төгіп жүрген азаматтар – еліміздің нағыз мақтаныштары.

«Еңбек етсең – емерсің» дейді дана халқымыз. Бұл нақыл сөздің өміршеңдігі әлі де жойылған жоқ. Тек адал еңбек қана адамды биікке жетелейді, абырой биігінен көретеді. Сондықтан да «Еңбек адамы – ел мерейі» деген сөз – жай ғана ұран емес, ол – өмір шындығы, еңбекқор жанға берілген ең жоғары баға.

Серік БАЙМАҒАНБЕТОВ,
Ұлытау ауданының қоғамдық кеңесінің төрағасы.