Жалпыға бірдей декларациялау

Қазақстанда 2021 жылғы 1 қаңтардан бастап енгізілген жалпыға бірдей декларациялау 4 кезең бойынша өтуде. Биыл оның үшінші кезеңі басталды. Бұл 2023 жылы жұмысқа қабылданған және 2024 жылғы 1 қаңтарда Мемлекеттік мекемелердің, квазимемлекеттік сектордың және олардың жұбайларының қызметкерлері болып саналатын заңды тұлғалардың басшыларына, құрылтайшыларына (қатысушыларына), жеке кәсіпкерлерге және олардың жұбайларына қатысты.

Бүгінгі таңда аудан бойынша 250.00 «Активтер мен міндеттемелер туралы декларацияның» бастапқы нысанын ұсыну бойынша міндеттеме 1100 астам жеке тұлғаға қатысы болса, оның 915-ы (немесе 82%) тапсырып отыр.
Жалпыға бірдей декларациялаудың басты мақсаты көлеңкелі экономиканы қысқартуды қамтамасыз ету, сыбайлас жемқорлық деңгейін төмендету, бюджетке қосымша түсімдерді қамтамасыз ету және әлеуметтік саясатты жетілдіру болып саналады.
2021 жылдың 1 қаңтарынан бастап мемлекеттік қызметшілер мен оларға теңестірілген тұлғалар үшін жалпыға бірдей декларациялауды енгізудің бірінші кезеңі басталды.
Екінші кезеңде 2023 жылдан бастап мемлекеттік мекемелер мен квазимемлекеттік сектор қызметкерлері және олардың жұбайлары тапсырды.
Үшінші кезеңде 2024 жылдан бастап заңды тұлғалардың басшылары мен құрылтайшылары, сондай-ақ жеке кәсіпкерлер мен олардың жұбайлары декларацияны электрондық түрде «Салық төлеушінің кабинеті» арқылы бере алады (cabinet.salyk.kz), «Электрондық үкімет» порталы (egov. kz), сондай-ақ eSalyqAzamat мобильдік қосымшасы арқылы, сондай-ақ екінші дәрежелі банктердің мобильді қосымшалары арқылы тұрғылықты жері бойынша Мемлекеттік кірістер органдарына 2024 жылдың 15 қыркүйегіне дейін ұсына алады.
Активтер мен міндеттемелер туралы Декларацияны Қазақстан Республикасының заңнамалық актілерінде белгіленген мерзімде ұсынылмаса, ескерту жасалатынын атап өткен жөн.
Бұл ретте әкімшілік жаза қолданылғаннан кейін бір жыл ішінде қайталап жасалған әрекеттер 15 АЕК мөлшерінде айыппұл салуға әкеп соғады.
Активтер мен міндеттемелер туралы декларацияда 10 мың АЕК-тен аспайтын қолма-қол ақша көрсетіледі. Қазақстаннан тыс мүлік, бұл жер учаскелері, үйлер, кеңселер, шетелдік банктердегі банктік шоттардағы ақша, Қазақстаннан тыс жерде құрылған заңды тұлғаның жарғылық капиталына қатысу үлесі; бағалы қағаздардың болуы туралы мәліметтер, дебиторлық, кредиторлық берешек, мұнда банктерге және банктерге берешекті қоспағанда, құжат нотариалды куәландырылған болуы тиіс. Банк операцияларының жекелеген түрлерін жүзеге асыратын ұйымдарға, жеке тұлғаның өтініші бойынша басқа мүлік, егер құны 1000 АЕКтен асатын болса және растайтын құжат болса, яғни бағалау құны болса, бұл картиналар, зергерлік бұйымдар болуы мүмкін. Қазақстанда тіркелген жылжымалы және жылжымайтын мүлік: Қазақстанда орналасқан үйлер, көліктер, пәтерлер, гараждар, банктік шоттар декларацияда көрсетілмейді, өйткені бұл мәліметтер уәкілетті органдарда бар.
Бұдан басқа, 2024 жылғы 1 қаңтардан бастап 2025 жылғы 1 қаңтарға дейінгі кезеңде қолданылып жүрген Салық кодексінің редакциясына енгізілген түзетулерге сәйкес, активтер мен міндеттемелер туралы Декларацияны ұсынудан бейрезиденттер, сондай-ақ коммерциялық емес ұйымдардың құрылтайшылары (қатысушылары) мен акционерлері босатылды.
Кірістер мен мүлік туралы Декларация активтер мен міндеттемелер туралы декларация табыс етілген жылдан бастап есепті салық кезеңінің 31 желтоқсанындағы жағдай бойынша жыл сайын ұсынылады.

Ұлытау ауданы бойынша Мемлекеттік кірістер басқармасы.