Грант жеңіп алуға әлі де мүмкіндік бар: Министр мектеп түлектеріне үндеу жасады
Елімізде жоғары балл жинаған 10 мыңнан астам адам грант ала алмаған, оның ішінде 7 мыңнан астамы шығармашылық мамандықтар бойынша. Мысалы, дене шынықтыру мұғалімдерін даярлау бойынша 1 орынға 11 адам, сән және дизайн бойынша 9 адам, ал стоматологияға 1 орынға 35 адамнан келген.
ҚР Ғылым және жоғары білім министрі Саясат Нұрбек грантқа түсе алмаған түлектердің әлі де мүмкіндігі бар екенін жеткізді:
• 3 мыңға дейін талапкер гранттан бас тартуы мүмкін, олар жоғары балл жинаған келесі талапкерлерге беріледі.
• Жергілікті атқарушы органдардың яғни әкімдік гранттары бар.
• KazEnergy қауымдастығының гранттарын қосыңыз.
• Х.А.Яссауи атындағы ХҚТУ-де білім алу үшін Түркия Республикасының 500 гранты.
• Жұмыс берушілердің гранттары.
• Түркістандағы Халықаралық туризм және қонақжайлылық университеті 800 мақсатты грант ұсынады.
• Қазақстан халқына қоры 850 грант бөледі.
• Ректорладың гранты, мысалы Тұран-Астана университеті Алтын белгі иегерлеріне гранттар бөлуде.
• Сессия қорытындысы бойынша бос грант алу мүмкіндігі және бар.
