Ұлт ұстазына арналды
Аудандық кітапханада қазақ халқының біртуар азаматы, ақын, ұстаз, ағартушы ғалым Ахмет БАЙТҰРСЫНОВТЫҢ 150 жылдығына арналған танымдық іс-шара өтті.
Абонемент бөлімінің кітапханашысы Дидар Байғабулова ақынның өмірбаяны жайлы баяндап, жиналғандарға экраннан арнайы дайындалған бейнефильм көрсетілді. Іс-шараға қатысушы аудандық мəдениет жəне тілдерді дамыту бөлімінің бас маманы Мүсілім Құдайқұлов, №1 Ұлытау тірек мектебінің қазақ тілі мен əдебиет пəнінің ұстазы Гүлдана Төребай, бастауыш пəнінің мұғалімі Еркеназ Бегаева, аудандық кітапхананың əдістеме – библиография бөлімінің меңгерушісі Сандуғаш Дүйсенбаева жылы лебіздерін білдіріп, А.Байтұрсынов жайлы ақпараттарымен бөлісті.
Бұдан кейін кітапхананың тұрақты оқырмандары Назар Айтжан, Перизат Шабаз, Ақбота Есенқабыл, Аяулым Ерғалиева ақынның өлеңдерін жатқа айтты. Ал, кітапхананың абонемент бөлімінің кітапханашысы Сəния Бірмағанбет Ахмет Байтұрсыновтың 150 жылдығына жинақталған еңбектері мен кітаптарына шолу жасады.
Шара барысында мектеп оқушыларына сұрақтар қойылып, ойынға қатысушыларға бағалы сыйлықтар табыс етілді.
Өз тілшімізден.
