Талқыда – өзекті мәселе
Ұлытау аудандық мәслихатының кезектен тыс XXXVIII сессиясы өтті. Мәслихат төрағасы Ахат Құрмансейітов төрағалық еткен депутаттардың басты жиынына аудан әкімінің міндетін атқарушы Алмаз Қайырбек, аудандық деңгейдегі мекеме-бөлімдер басшылары және БАҚ өкілдері қатысты.
Кенттер мен ауылдық округтердің әкімдері ZOOM платформасы арқылы бейнебайланыста болды.
Күн тәртібіне «Ұлытау ауданы аумағында бөлшек салықтың арнаулы салық режимін қолдану кезінде салық мөлшерлемесінің мөлшерін төмендету туралы» мәселе шығарылып, оған қатысты хабарламаны аудандық кәсіпкерлік және өнеркәсіп бөлімінің басшысы Гүлнар Ауғанова жасады. Ол бұл мәселенің маңыздылығын егжей-тегжейлі сипаттап, шарттылықтары мен күтілетін нәтижелері туралы толыққанды түсініктеме берді. Осы мәселеге байланысты хабарламаны Ұлытау ауданы бойынша мемлекеттік кірістер басқармасының басшысы Жасұлан Мұхамбетов те жасады.
Бұдан кейін депутаттар тарапынан қойылған сауалдарға жауапты тұлғалар тұщымды жауаптар қайтарды.
Сессия барысында арнаулы салық режимі мөлшерлемесін 4 пайыздан 3 пайызға төмендету арқылы салық жүктемесін жеңілдету қарастырылды. Сындарлы талқылаудан кейін күн тәртібіндегі мәселеге қатысты оң шешім шығарылды.
Қайрат ЖҰМАБАЙ.
