Жезқазғанда бір аптада 300-ден астам жол ережесін бұзу фактісі анықталды
Ұлытау облысының жолдарында қауіпсіздікті күшейту мақсатында «Қауіпсіз жол» жедел-профилактикалық іс-шарасы өтуде.
Аталған іс-шара аясында Жезқазған қаласы Полиция басқармасының Патрульдік полиция ротасы жол қозғалысы ережелерінің сақталуын қадағалау және жолдағы тәртіпті күшейту бағытында жүйелі түрде рейдтік іс-шаралар жүргізуде.
Облыс орталығында бір апта ішінде 316 жол ережесін бұзу фактісі тіркелді. Оның ішінде ең қауіптісі – көлікті мас күйде басқару. Тексеру барысында осындай 2 дерек анықталып, заң бұзушыларға қатысты тиісті шаралар қабылданды.
Басқа да құқық бұзушылықтар жол ережесін сақтамау, жылдамдықты асыру, жолдың қарсы бағытына шығу, тиiстi рұқсатсыз қайта жабдықталған көлiк құралын басқару, техникалық байқаудан өтпеген көліктерді басқару, көлікте ұялы телефон пайдалану, қауіпсіздік белдіктерін тақпау, маневр жасау қағидаларын бұзу, бағдаршамның тыйым салынған сигналына өту, жаяу жүргiншiге жол бермеу, жаяу жүргіншілер тарапынан бұзушылықтар, жолдарда жұмыстар жүргізу, жолдарды күтiп-ұстау жөніндегі талаптарды орындамау бойынша анықталды.
Полиция департаменті әрбір жүргізуші мен жаяу жүргіншіні жол қозғалысы ережелерін мүлтіксіз сақтауға шақырады.
Жолдағы тәртіпті бақылау мен қауіпсіздікті қамтамасыз ету жұмыстары алдағы уақытта да жалғасатын болады.
Жол қауіпсіздігі – бәрімізге ортақ міндет!
