Тазалық – саулық кепілі

«Таза Қазақстан» акциясы – қоршаған ортаға жанашырлықпен қарауға шақыратын үлкен бастама. Бұл тек сенбілікке шығу немесе қоқыс жинау ғана емес, әрбіріміздің табиғатқа деген көзқарасымызды өзгертуге бағытталған игі іс. Себебі тазалық – мәдениеттің, өркениеттің белгісі.

Қазір әлемде экологиялық мәселелер өте өзекті. Ауа ластануы, тұрмыстық қалдықтардың көбеюі, ормандардың азаюы – бәрі де біздің өмір сапамызға әсер етеді. Ал «Таза Қазақстан» сияқты акциялар осы проблемаларды шешудің алғашқы баспалдағы болып саналады. Әрбір тұрғын өз ауласын, көшесін, ауылын таза ұстаса, ол үлкен өзгерістерге әкелетіні анық.

Бұл бастама тек тазалық емес, сонымен бірге елді бірлікке шақыратын іс-шара. Қатарынан кішкентай бала да, үлкен кісі де шығып, қолына қап алып қоқыс жинап жүргенде, олардың бойында туған жерге деген сүйіспеншілік, жауапкершілік артады. Осындай акциялар арқылы біз болашақ ұрпаққа үлгі көрсетеміз.

Еркеназ БЕГАЕВА,
мұғалім.