Жас әншінің жетістігі

Мұқағали Мақатаевтың 90 жылдығына орай, Сәтбаев қаласындағы Ш.Ділдебаев атындағы Кеншілер сарайында қалалық мәдениет және шығармашылық орталығының ұйымдастыруымен «Поэзия, менімен егіз бе едің?!» атты байқау өткізілді.

Байқауға Жезқазған, Сәтбаев, Ұлытау, Жезді, Қарсақбай, Қарақұм, Байқоңыр өңірлерінен 58 өнерпаз қатысты. Олар «Эстрадалық ән», «Мәнерлеп оқу», «Ақындар өнері» аталымдары бойынша бақтарын сынады. «Эстрадалық ән» жанрында сынға түскен аудандық Мәдениет үйінің әншісі Еламан Зәйни 18 қатысушы арасынан жеңімпаз атанды. Жас әнші М.Мақатаевтың сөзіне жазылған «Отан» әнін орындады.

Жеңімпазға 40 мың теңгенің сертификаты табыс етіліп, жетекшісі Рахат Ниязов Дипломмен марапатталды.

Өз тілшімізден.