Ұлытау облысында діни бірлестіктер клубы құрылды

Жезқазғанда облыстық діни конфессиялардың басшыларымен кездесу ұйымдастырылды. Жиын барысында тараптар өзара пікір алмасып, дінаралық қарым-қатынас мәселелерін талқылады.

Кездесу барысында діни бірлестіктердің басшыларына Ұлытау облысы діни бірлестіктері клубының тұжырымдама жобасы ұсынылып, бірауыздан мақұлданды.

Клубтың басты мақсаты – діни саладағы өзекті мәселелерді талқылауға жағдай жасау. Конфессияаралық қатынастарды дамыту, облыстың түрлі діни бірлестіктері арасындағы өзара түсіністікті нығайту көзделген.

Клуб өз қызметінде мемлекеттік органдармен, діни және басқа да қоғамдық бірлестіктермен, сондай-ақ аймақтық деңгейдегі үкіметтік емес ұйымдармен өзара іс-шара жүргізеді.