Мәдениет үйі жөнделуде
Соңғы жылдары Ұлытау ауданындағы мəдениет ошақтарын жаңғырту жұмыстары қарқынды жүріп жатыр. Оған ауданның қазынасына қомақты қаражаттар да бөлінуде.
Сондай жаңғырту жұмыстары биыл Егінді ауылына да келіп жетті. Қазір ауылдағы мəдениет үйіне ағымдағы жөндеу жұмыстары жүргізілуде. Жұмысқа аудандық бюджет есебінен ақша да бөлінді. Жұмыстарды «Құрылыс Бизнес и К» жауапкершілігі шектеулі серіктестігі атқаруда.
Жаңғырту жұмыстары барысында мəдениет үйінің шатыры ауыстырылып, едені жаңартылды. Есік-терезелері жаңадан салынды. Кабинеттердің қабырғалары сырланып, мекеменің жылу беру жүйесін жөндеу жұмыстары жүргізілуде. Сондай-ақ, ғимарат алдына қырлы кеспек тастар төселмек.
Қазір ауылдағы мəдениет үйін жөндау жұмыстары кестеге сай жүруде. Мердігерлер жұмысты белгіленген мерзімде аяқтаймыз деп отыр.
ЕГІНДІ ауылы.
