Ұлытау облысында терроризмге қарсы оқу-жаттығу өтеді

Ағымдағы жылдың 7-8 қараша аралығында «Ұлытау-Антитеррор-2024» терроризмге қарсы оқу-жаттығуын өткізу жоспарлануда.

Оқу-жаттығу аясында Ұлытау облысы аумағында автокөлік құралдарының және халықтың қозғалысын уақытша шектейтін шаралар қарастырылған.
Осыған байланысты, азаматтарды өткізілетін оқу-жаттығу іс-шараларына түсіністікпен қарауға, құқық қорғау органдарының қызметкерлерінің заңды талаптарын орындауға, тек ресми ақпарат көздеріне сенуге және халық арасында жалған ақпараттың таралуына жол бермеуге шақырамыз.

Терроризмге қарсы күрес жөніндегі Ұлытау облыстық жедел штабы.