ЕРЕН ЕҢБЕК ЕЛЕНГЕН КҮН
Бұқаралық ақпарат құралдары қызметкерлерінің кәсіби мерекесі қарсаңында облыстық «Сарыарқа» газетінің бас редакторы, тәжірибелі журналист Жаннұр Тілемісова Қазақстан Республикасы Президентінің қолынан «Ерен еңбегі үшін» медалін алды.
Бұл марапат – өңірлік журналистиканың дамуына сүбелі үлес қосып жүрген, елдің шынайы үнін жеткізуден еш таймай келе жатқан кәсіби қаламгер еңбегінің жоғары бағалануы.
Жаннұр Төлендіқызының ұлт мүддесін көздеген, оқырман санасын серпілткен әрбір материалы – елдік ойдың айнасы, уақыт шежіресі.
Ұлытау облысы әкімдігі Жаннұр Тілемісованы осы жоғары марапатымен шын жүректен құттықтап, шығармашылық табыс пен зор денсаулық тілейді.
