Ақша үнемдей отырып 2024 жылға қалай сақтандырылуға болады?
2023 жыл да аяқталуға жақын. МӘМС жүйесінде сақтандырылып үлгермеген азаматтар бұл мүмкіндікті қалт жіберіп алмауы керек. Олар желтоқсан айының соңына дейін жарна төлесе, жаңа жылмен салыстырғанда 9 000 теңге кем төлейді.
2023 жылы ең төменгі жалақы мөлшері 70 000 теңгені құрайды, яғни дербес төлеушілер ай сайын 3 500 теңге жарна төлейді (1 ЕТЖ-ның 5%) — немесе жылына 42 000 теңге. Банктер осы соманы ағымдағы жылдың соңына дейін алдағы 12 айға жарналар ретінде қабылдайды. 1 қаңтардан бастап ең төменгі жалақы 85 000 теңгеге дейін өсетіндіктен, бұл төлем 51 000 теңгеге дейін ұлғаяды.
«Сақтандыру мәртебесін алу үшін өткен немесе алдағы 12 айға төлем болуы керек. Екінші жағдайда төлеушілер болашақ айларға төлем жасап, сақтандырыла алады. Яғни, желтоқсанның соңына дейін 2024 жылдың қаңтарынан желтоқсанға дейінгі аралыққа биылғы жылдың ставкасымен жарна төлеп шығу керек.
Осылайша, 2023 жылдың желтоқсан айында сақтандырылған мәртебесін алған дербес төлеушілер 9 000 теңге үнемдей алады. Қазақстандықтар үшін МӘМС жарналары мен аударымдарының мөлшері туралы толығырақ:
• Qoldau 24/7 мобильді қосымшасы
• fms.kz ресми сайты
• Telegram-дағы @SaqtandyrýBot
• 1414 байланыс орталығы
• Damumed мобильді қосымшасы
• Halyk мобильді қосымшасы
• BCC.KZ мобильді қосымшасы
• Kaspi.kz мобильді қосымшасы
• egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік қызметі арқылы білуге болады..
Сондай-ақ, жарна төлеудің тәртібі жайында Қордың Ұлытау облысының филиалында Жезқазаған қаласы, Омаров көшесі 7 үй, 2 қабат, 2 кабинет мекенжайынан білуге болады.
