Құрметті жерлестер!
Баршаңызды Қазақстан Республикасының Конституциясы күнімен және Ата Заңымыздың 30 жылдық мерейлі мерекесімен шын жүректен құттықтаймын!
1995 жылы бүкілхалықтық референдумда қабылданған Конституция – еліміздің тәуелсіздігін нығайтып, демократиялық, зайырлы, құқықтық және әлеуметтік мемлекет құрудағы басты тірегімізге айналды. Ол біздің құқықтарымыз бен бостандықтарымызды айқындап, әрбір қазақстандықтың теңдігі мен әділеттілігін қамтамасыз етті.
Осы жылдар ішінде Ата Заңымыз еліміздің тұрақты дамуы мен өркендеуіне берік негіз болды. Конституция қағидаттарына сүйене отырып, Қазақстан саяси тұрақтылыққа, әлеуметтік-экономикалық өрлеуге қол жеткізді. Бүгінде Ұлытау өңірі де осы игіліктерден тыс қалған жоқ. Облысымызда халықтың әл-ауқатын арттыруға, әлеуметтік саланы дамытуға, жаңа жұмыс орындарын ашуға бағытталған ауқымды жобалар жүзеге асырылуда.
Қадірлі жерлестер!
Ата Заңға адалдық – Отанға адалдықтың айқын көрінісі. Барлығымыз бірлігімізді сақтап, Конституцияның құндылықтарын ардақтай білсек, еліміздің болашағы жарқын болары сөзсіз.
Сіздерге зор денсаулық, отбасыларыңызға бақ-береке, еңбектеріңізге табыс тілеймін!
Мерекелеріңіз құтты болсын!
Дастан РЫСПЕКОВ,
Ұлытау облысының әкімі.
