PARIS-2024: Олимпиада тарихында алғаш рет жеңіл атлетика жеңімпазына 50 мың доллар беріледі

Қаражатты Бүкіләлемдік жеңіл атлетика федерациясы арнайы бөледі. Бұған дейін Халықаралық Олимпиада комитеті де, бірде-бір халықаралық спорт федерациясы да Олимпия ойындарында өнер көрсететін атлеттерге сыйақы тағайындамаған. 

«Қайсыбір спортқа қызығушылық артса, федерациялардың табысы молаяды. Демек, бұл үрдіске үлесі мол спортшылардың да еңбегін бағалаған абзал деп шештік. Әзірге Париж Олимпиадасында алтын алған атлетке сыйақы беріледі. Ал келесі Лос-Анджелесте өтетін дүбірлі додада күміс пен қола жүлдегерлерді де назардан тыс қалдырмаймыз», — дейді  Бүкіләлемдік жеңіл атлетика федерациясының президенті Себастьян Коу.