Мереке иелеріне құрмет көрсетілді

Аудан əкімдігінде ветеринария қызметкерлері күніне орай сала мамандарына құрмет көрсетілді. Салтанатты жиынды аудан əкімі Аманжол МЫРЗАБЕКОВ құттықтау сөзбен ашып, мереке иелеріне алдағы уақытта да жемісті еңбек тіледі. Бір топ еңбек озаттарына облыс, аудан əкімінің жəне ауыл шаруашылығы қызметкерлерінің салалық кəсіподағы бірлестігі атынан Құрмет грамоталары, Алғыс хаттар, арнайы төсбелгілер табысталды.

Аудан басшысы ветеринария қызметкерлерінің мерекесі ауданымыздың 85 жылдық мерейтойымен тұспа-тұс келіп отырғандығымен ерекшеленетінін айтты.
– Бұл екі мерекенің екеуі де ауыл шаруашылығының көркеюіне серпін береді, – деп атап өтті аудан əкімі.

Басқосудың негізгі бөлімінде ветеринария саласының қызметкерлері марапатталып, құрмет-қошеметке кенелді. Ұлытау облысының Құрмет грамотасымен – кəсіпорынның эпизоотолог мал дəрігері Едіге Байболов марапатталды. Облыс əкімі Берік Əбдіғалиұлының Алғыс хаты – Борсеңгір ауылдық округінің ветеринариялық пункт меңгерушісі Қанат Баймұхановқа тапсырылды. Ұлытау ауданының Құрмет грамотасымен ветеринария саласының ардагері Нұржамал Қаңлыбаева, Терісаққан ауылдық округінің ветеринариялық пункт меңгерушісі Ақжол Қарин марапатталды. Аудан əкімінің Алғыс хатына – Қарсақбай кентінің ветеринариялық пункт меңгерушісі Ержігіт Сəрсенбаев, Мибұлақ ауылдық округінің ветеринариялық пунктінің фельдшері Ғалымжан Сақтаған, кəсіпорынның ветеринариялық статист мамандары Сандуғаш Дəулетиярова, Бірлік Саламат ие болды.
Мұнан кейін сөз тізгінін алған Ұлытау облысының ветеринария басқармасының бөлім басшысы Дəулетбек Əлсейітов сала мамандарының жетістігіне тоқтала келіп, ҚР Ауыл шаруашылығы министрі Айдарбек Сапаровтың Алғыс хатын – Аманкелді ауылдық округінің ветеринариялық пункт меңгерушісі Мұса Шмановқа табыс етті.

Сондай-ақ, жиында «Ауыл шаруашылығы қызметкерлерінің салалық кəсіптік одағы» қоғамдық бірлестігінің Ұлытау облысы бойынша филиалының төрағасы Мақсұт Оспанов мереке иелеріне алғысын білдіре келе, ауданның дамуына сүбелі үлес қосқан ветеринария саласының ардагері Серік Тəшеновті «Еңбек ардагері» төсбелгісімен марапаттады. ІІІ дəрежелі «Еңбек даңқы» төсбелгісін Мибұлақ ауылдық округінің ветеринариялық пункт меңгерушісі Қадырбек Бақтыбаевқа, «Елеулі еңбегі үшін» төсбелгісін Ақтас кентінің ветеринариялық пункт меңгерушісі Еркін Есетов пен Егінді ауылдық округінің ветеринариялық пункт меңгерушісі Сансызбай Башановқа табыстады. Облыстық кəсіподақтың Құрмет грамотасымен – Ұлытау ауылдық округінің ветеринариялық пункт меңгерушісі Алмаз Биболов, кəсіпорынның бас есепшісі Дəулет Бектемісов, кəсіпорынның автокөлік жүргізушісі Еламан Нұраш марапатталды.
Марапаттау рəсімінен кейін аудан əкімі Аманжол Мырзабеков облыс бюджетінен қаржы бөлініп, Ұлытау ауданының ветеринариялық станциясына берілген жаңа қызметтік автокөлік кілттерін Ақтас, Жезді, Қарсақбай кенттеріне жəне Жанкелді, Терісаққан, Ұлытау ауылдарының ветеринариялық пункттерінің меңгерушілеріне табыс етті. Биыл алғаш рет кəсіби мереке ретінде өтілген ветеринария қызметкерлерінің төл мерекесі аудан орталығында осылайша əспеттелді.

Қайрат ЖҰМАБАЙ.