Үздіктерге – Қазақстан Журналистер одағының марапаттары

Ұлытау облысы әкімінің БАҚ қызметкерлеріне арналған «Ular» сыйлығын табыстау рәсімінде Қазақстан Журналистер одағы облыстық филиалының төрағасы Ахат Құрмансейітов қалам ұстаған қауымға Одақ Басқармасының төрағасы Сейтқазы Матаевтың ыстық ықыласты сәлемі мен құттықтауын жеткізді.

Шырайлы шара барысында Ахат Құрмансейітұлы мерейі өскен тұлғаларға Қазақстан Журналистер одағының мәртебелі марапаттарын салтанатты жағдайда табыстады.

Соның аясында биылғы су тасқыны кезеңінде ерен еңбегімен ерекшеленіп, ұтымды іс-қимылдың үлгісін танытқан облыстық ТЖ департаменті Жезқазған қалалық ТЖ басқармасы бастығының орынбасары, азаматтық қорғау майоры Қуанышбек Досжанов Одақтың Алтын медалінің иегері атанды. Облыстық филиал төрағасы сондай-ақ, «Egemen Qazaqstan» жалпыұлттық республикалық газетінің Ұлытау облысындағы меншікті тілшісі, «Аймақ ақшамы» газетінің меншік иесі – бас редакторы Абдолла Дастановтың омырауына «Қазақстанның Құрметті журналисі» төсбелгісін тағып, куәлігін табыс етті.

Сонымен қатар, облыстық «Saryarqa» газетінің бас редакторы Жаннұр Тілемісова, облыстық «Жезказганский вестник» газетінің тілшісі Влада Гоцак, облыстық «Ulytau» телерадио компаниясының тілшісі Мұқағали Сейтқазы, «Aqsham» телеарнасының бас редакторы Алтынгүл Төлегенова және Жаңаарқа аудандық «Жаңаарқа» газетінің жауапты хатшысы Салтанат Балтабай Журналистер одағы Ұлытау облыстық филиалының Құрмет грамотасымен марапатталды.

Ақбота ЕСЕНҚАБЫЛ,
Е.Гумилев атындағы ЕҰУ
2-курс студенті.