Ветеринариялық іс-шаралардың жоспары бекітілді
«Ұлытау аудандық ветеринариялық станциясы» ШЖҚ КМК (бұдан əрі – Ветстанция) Ұлытау ауданының кент, ауылдық округ кескінінде 2024 жылға арналған жануарлардың аса қауіпті ауруларының профилактикасы жəне диагностикасы бойынша ветеринариялық іс-шаралардың Жоспары (бұдан əрі – Жоспар) бекітілгенін хабарлайды.
Жоспар Қазақстан Республикасы Ауыл шаруашылығы министрінің 2014 жылғы 30 маусымдағы №16-07/332 «Жануарлардың аса қауіпті ауруларына қарсы ветеринариялық іс-шараларды жоспарлау жəне өткізу қағидаларын бекіту туралы» бұйрығының 2-тарау 6-тармақшасына сəйкес, ветеринариялық-санитариялық саламатты аймақтарда жануарлардың аса қауіпті ауруларына қарсы ветеринариялық іс-шараларды жоспарлау тəртібі төмендегідей жүзеге асырылады:
1) тиісті əкімшілік-аумақтық бірліктің соңғы 3 (үш) жылдағы эпизоотиялық мониторингінің деректері;
2) кірісті (төл жəне басқа түсімдер), шығысы (сойылу, қырылу жəне өзге есептен шығарылу) жəне жануарлардың топтастырылуы (эпизоотиялық бірліктер) ескеріле отырып, қолда бар жануарлар басы;
3) ветеринариялық препаратты қолдану жөніндегі нұсқаулыққа (тəлімдемеге) сəйкес, оған қарсы дауалау жүзеге асырылатын жануарлардың ауруына байланысты ветеринариялық препаратты енгізу еселігі;
4) ветеринариялық (ветеринариялық-санитариялық) қағидаларда көзделген диагностикалық зерттеулердің еселігі;
5) көршілес əкімшілік-аумақтық бірліктердегі (аудандардағы, облыстардағы) жəне шектес мемлекеттердегі эпизоотиялық ахуал туралы деректері.
Бекітілген жоспардағы жүргізілетін ветеринариялық-профилактикалық іс-шаралар ақысыз жүргізілетінін жеткіземіз. Ағымдағы жылы жоғарыдағы жұмыстарды жүргізуге облыстық бюджет қаражаты есебінен 014 эпизоотияға қарсы іс-шараларды жүргізу бағдарламасына 370 326,0 мың теңге, 012 жануарлардың энзоотиялық ауруларының алдын алу жəне диагностикалау бойынша ветеринариялық іс-шараларды жүргізу бағдарламасына 11 887,5 мың теңге қаражат бөлінді. Ауыл шаруашылығы жануарларын ұстайтын шаруа немесе фермерлер қожалықтарына жəне ауыл тұрғындарының назарына алдағы іс-шараларды жүргізу үшін жергілікті жерлердегі ветеринар мамандарЫмен хабарласып, ауыл шаруашылығы жануарларыңызды уақытылы вакцинация алуын қамтамасыз етілуін сұраймыз.
«Ұлытау аудандық ветеринариялық станциясы» ШЖҚ КМК.
