Ұлытау облысында кірпіш зауыты ашылды

Жаңа зауыт жылына 20 млн. кірпіш өндіруге қауқарлы. Биылдың өзінде жыл аяғына дейін 5 млн.өнім шығару көзделіп отыр.

Ашылу салтанатына Ұлытау облысының әкімі Берік Әбдіғалиұлы арнайы қатысып, игі бастама жаңа облыстағы инфраструктураның дамуына жол ашатынын жеткізді.

«60-тан астам жаңа орын ашылып, ұлытаулықтар тұрақты жұмыспен қамтылатын болады. Онымен қоса, Ұлытау облысының құрылыс-монтаждау объектілері, құрылыс базарлары өз өнімімізді қолданады. Бұл – барлығымыз үшін де игі бастама деп білемін» – деді өңір басшысы өз сөзінде.

Жеке кәсіпкер Телібай Бекмұратовтың айтуынша кірпіш құрамындағы өнім жоғары сапада.

Айта кетейік, жаңа зауытта М125-М200 беріктігі бойынша жоғары маркалы тас шығару жоспарлануда.