Албанияда өткен халықаралық олимпиадада ұлытаулық оқушы топ жарды

2023 жылдың 23-25 маусым күндері Албания мемлекетінде 14 елдің үздік оқушыларының қатысуымен өткен Ү Халықаралық Балқан физика олимпиадасы өз мәресіне жетті.

Физика пәнінен халықаралық жарыста Қазақстан құрамасы 4 медаль (3 алтын, 1 күміс ) жеңіп алып, жоғары жетістіктерге қол жеткізді.

Қатысушылар физикалық олимпиадалардың Ережелеріне сәйкес құрастырылған авторлық тапсырмаларды орындады.

Қазақстан командасы құрамындағы Ұлытау облысының №3 «БІЛІМ-ИННОВАЦИЯ» лицей-интернатының 10-сынып оқушысы Тілеукен Арсен жүлделі ІІ орынды иеленді. Жетекшісі: Тұрабай Сәкен Жомартұлы.

Білім бәйгесінің жеңімпаздары Қазақстан құрама командасын және жетекшілерін құттықтаймыз!