Ұлытауда облысішілік автобустар жаңартылады

Ұлытау облысының жолаушылар көлігі және автомобиль жолдары басқармасы автобус маршруттарының тасымалдаушылары және «QazTehna» ЖШС өкілдерімен өңір аумағындағы облысішілік маршруттардың автобустарын жаңарту бойынша кездесу өткізді.

Жиын барысында «QazTehna» ЖШС зауытының сату жөніндегі директоры Саят Мурзахметов Сарань қаласында шығарылатын «Yutong» маркалы автобустарды сатып алу жолдарын түсіндіріп, автобустардың техникалық сипаттамасы мен бағасы туралы ақпаратты ұсынды.

Сонымен қатар, облысішілік №101 «Жезқазған – Сәтбаев» бағытындағы автобус маршрутының тасымалдаушысы «ECOBUS QK» ЖШС тарапынан «QazTehna» ЖШС 8 дана Yutong ZK6116HG маркалы автобус сатып алу үшін өтінім берілді.