Жезқазған әуежайында — жаңа ұшақтар
2023 жылдың 1 қаңтарынан бастап жолаушылар ағынының артуына байланысты Жезқазған қаласының әуежайынан көбірек орынмен жабдықталған жаңа ұшақтар шығады. Кейбір бағыттарға өзгерістер енгізіледі.
Атап айтқанда, «Жезқазған – Алматы» және «Жезқазған – Астана» бағыттары бойынша әуе рейстеріне «SCAT «әуекомпаниясы»АҚ қызмет көрсетеді.
«Жезқазған –Алматы» бағыты бойынша билеттің құны 26 000 теңге, жиілігі – аптасына 3 күн (сәрсенбі, жұма, жексенбі). 2023 жылдың сәуір айынан бастап аптасына 5 рейсті іске қосу жоспарлануда.
«Жезқазған –Астана» бағыты бойынша билет құны 20 000 теңгені құрайды, күн сайын ұшады.
Екі бағыт бойынша ұшулар Bombardier CRJ-200 маркалы ұшақтармен жүзеге асырылады.
«Жезқазған – Қарағанды» бағыты бойынша әуе бағыттарына «Южное небо «әуекомпаниясы»АҚ қызмет көрсетеді. Билет құны – 13 000 теңге, жиілігі — аптасына 4 рет.
