Жезқазған қаласының Бекболатсай және Қостангелді ықшам аудандарында газдандыру жұмыстары аяқталуда
Биыл мердігер ұйым «Әлия Сервис» ЖШС «Сарыарқа» магистралды газ құбырының «Жезқазған» автоматтандырылған газ тарату станциясынан «Жезқазған қаласында газ тарату желілерін салу» жобасы аясында Бекболатсай және Қостанкелді ықшам аудандарын газдандыру жұмыстарын аяқтауда.
Желілердің жалпы ұзындығы 43,4 шақырымды құрайды. Құбырларды және басқа элементтерді орнату жұмыстары толығымен аяқталды.
Қазіргі уақытта жобаға техникалық қадағалау берген ескертулерді жою жұмыстары жүргізілуде. Желілер маусым айында қосылады деп күтілуде.
