Жүйелі жұмыс – уақыт талабы

Ұлытау ауданының әкімі Аманжол Мырзабековтың 2025 жылдың 10 айында атқарған жұмыстары туралы есебі.

Ұлытау ауданының әлеуметтік-экономикалық дамуы Қазақстан Республикасы Үкіметінің 2022 жылғы 4 қарашадағы №871 қаулысымен бекітілген «Ұлытау облысын әлеуметтік-экономикалық дамытудың 2022-2026 жылдарға арналған Кешенді жоспарын» іске асыру шеңберінде атқарылуда.
2025 жылғы 10 айда Ұлытау ауданының әкімдігі ауданының барша халқы, аудандағы өнеркәсіп, ауыл шаруашылығы, шағын кәсіпкерлік салаларында шаруашылық жүргізуші нысандармен бірлесе, аудан экономикасының әлеуетін одан әрі тұрақты дамытуға бағытталған тиісті жұмыстарды жүргізу нәтижесінде Ұлытау ауданының әлеуметтік-экономикалық дамыту салаларында өсімнің оң динамикасы байқалуда және ол аудан экономикасының серпінді дамып келе жатқандығын көрсетеді. Қол жеткізілген негізгі көрсеткіштер төмендегідей қалыптасты:

Экономика және өнеркәсіп саласы

Өнеркәсіп өнімінің көлемі – есептік кезеңде 6,4 млрд. теңге орындалды. Айғақты көлем индексі (АКИ) – 162,6% деңгейінде болды.
(2025 жылдық жоспар — 6,9 млрд. теңге, 2024 ж. 10 айда – 3,94 млрд. теңге).
Ауданның өнеркәсіп кешені тау-кен және өңдеу салаларымен ұсынылған. Тау-кен өндіру саласында орта кәсіпорын санатында «Bass Gold» ЖШС, шағын кәсіпорындар құрамында «Нерис» ЖШС, «Қияқты көмір» ЖШС және «Сарыарқа гранит» ЖШС өндіріс кәсіпорындарында 450 адам жұмыс істеуде.
Инвестиция көлемі — есептік кезеңде 27,3 млрд. теңге көлемін құрады (АКИ – 336,6%). (2025 ж. жоспары – 15,2млрд.теңге, 2024 ж.10 айда – 8,1млрд. теңге).

Кәсіпкерлік нысандары

Тіркелген кәсіпкерлік субъектілері – 1759 бірлік. Сауда айналымы – 272,3 млн теңге (өсім – 100,0%)

Инвестициялық жобалар

«Жезқазған–Қызылорда» автожолын күрделі жөндеуге – 15,5 млрд. теңге инвестициялар тартылды.
«Исмаил» ШҚ – 400 га суармалы жерге 616,5 млн. теңгелік көкөніс және жем-шөп өндіру жобасын жүзеге асыруда, жұмыс орындары — 4 адам.
«А. Искаков» ШҚ «5 000 басқа арналған ұсақ мал шаруашылығын (қой шаруашылығы) дамыту» жобасын іске асыруда. Жобаның құны 340,0 млн. теңге, жұмыс орындары — 3 адам. Жоба «Ұлытау» ӘКК мақұлданды.

Ауыл шаруашылығы саласы

2025 жылғы 10 айда ауыл шаруашылығы өнімінің жалпы көлемі 10,5 млрд. теңге көлемінде орындалды (АКИ – 102,5%).
(2025 ж. жоспары – 16,7 млрд. теңге, 2024 ж. 10 айда –9,8 млрд. теңге). Аудан бойынша ауыл шаруашылығы техникасы паркін жаңарту бойынша соңғы 3 жылда — 130 техника сатып алынып,техника 8,4% жаңартылды. Аудан бойынша 1537 ауыл шаруашылығы техникасы тіркелген. 2025 жылғы 10 айда 476 млн. теңгеге 48 дана жаңа ауыл шаруашылығы техникасы (25 трактор, 1 комбайн, 22 басқа а.ш.т) сатып алынды. Техникалар «КазАгроҚаржы» АҚ және «Агро Несиелік Корпорациясы» АҚ және «Ауыл аманаты» ӘКК арқылы алынды (2024 жылы — 46 техника (104,3%).
2025 жылғы орылған егістік көлемі 16 780 га құрады. Оның ішінде: бидай – 15,5 мың. га, арпа – 1,28 мың. га, картоп – 53 га, көкөніс – 12 га.
Дәнді дақылдардың әрбір гектарынан түсімі орташа 12 ц/га. 16 780 га егістіктің барлығы толықтай орылып (100 %), жалпы түскен өнім көлемі – 20 100 тоннаны құрады.
2025 жылы Ұлытау ауданының шаруа қожалықтарына күзгі дала жұмыстарын жүргізу үшін 273,5 тонна арзандатылған 254 тг/л дизель отыны «Petro Retail» ЖШС арқылы бөлінді. Бөлінген дизель отынын ауданның шаруа қожалықтары толықтай алды.
Мемлекет басшысы агроөнеркәсіп кешенін қолдауға айрықша мән беруде. Осының арқасында биыл біздің өңірге де айтарлықтай қолдау көрсетілді. Агроөнеркәсіп субъектілерін субсидиялауға 267,0 млн. теңге бөлініп, шамамен 120 шаруашылыққа нақты көмек көрсетілді.

«Ауыл аманаты» жобасын
іске асыру барысы

2025 жылғы 10 айда Ауыл шаруашылығының 13 жобалары мақұлданып, 183,4 млн. теңге несиелер берілді. Несиелік қаражаттар АШ техника сатып алу, мал бордақылау, мал сою алаңдарын ашу жұмыстарына бағытталған (2024 жылы осы жоба аясында «Ұлытау» ӘКК тарапынан 1 174,0 млн. теңгеге 139 жобаға несиелер берілді. Оның ішінде 8 жоба бизнестің басқа бағыттарына қаржыландырылды).
Бұл жетістіктер ауданның тұрақты дамуға деген сенімін нығайтады. Өңірдің ішкі өнімін арттыру бағытындағы жұмыстар жалғаса беруде.

Ауыл шаруашылығы санағы

2025 жылғы 10 қазанда Ұлытау ауданы бойынша Ұлттық ауыл шаруашылығы санағы толықтай аяқталды. Санақтың орындалуы 100% құрады. Аудан бойынша үй шаруашылықтары бойынша белгіленген жоспар — 2486 бірлік, орындалуы — 100%. Шаруа қожалықтары бойынша жоспар — 1386 бірлік, нақты орындалуы — 100%.
Ауыл шаруашылығы санағы белгіленген мерзімде ұйымдасқан түрде өткізіліп, барлық жоспарланған нысандар толық қамтылды.

Жер саласы

Ауыл шаруашылығы мақсатында пайдаланылмай отырған жерлерді мемлекет меншігіне қайтару бойынша 2025 жылы жоспар – 134,0 мың га, бүгінгі күнге орындалысы – 135,7 мың га (101,3%).
• 2023 жылы жоспар – 105,0 мың га, орындалысы – 129,2 мың га (122,98%).
• 2024 жылы жоспар – 60,0 мың га, орындалысы – 72,5 мың га (120,6%).
2023-2025 жыл аралығында мемлекетке пайдаланылмай отырған 337,4 мың га жер қайтарылды.

Құрылыс жұмыстары, тұрғын үйлер
құрылысы саласы

Есептік кезеңде құрылыс жұмыстарының көлемі 16,7 млрд. теңге көлемінде орындалды (АКИ – 391,1%).
(2025 ж. жоспары – 4,8 млрд. теңге, 2024 ж.10 айда – 4,7 млрд. теңге)
Тұрғын үй салу – 1 928 мың шаршы м² пайдалануға берілді (АКИ – 58,0%). (2025 ж. жоспары –2 482 м2, 2024 ж.10 айда – 3 324 м2).
2025 жылғы 10 айда ауданда 1 қабатты 2 пәтерлі 8 үйдің (16 пәтер) құрылысы жүргізілуде, олар 2025-2026 жылдары сатып алынатын болады. Ағымдағы жылы облигациялық қарыздар есебінен Ұлытау ауданында 10 пәтер сатып алынды.
2026 жылы Жезді кентіндегі 1 қабатты 2 пәтерлі 2 үйді, Қарсақбай кентінде 1 қабатты 2 пәтерлі 2 үйді және аудан орталығында 3 қабатты 32 пәтерлі 1 үйден 32 пәтерді сатып алу жоспарда.
Аудан орталығында 12 бөлмелік қызметтік жатақхана сатып алынып сала мамандарына берілді. Атап айтқанда білім, денсаулық сақтау, полиция, Ұлытау ауылында жабық бассейн құрылысы жалғасуда. Орындалысы — 64 % жүргізілді. 2026 жылы құрылыс нысанын аяқтау жоспарда.
Ұлытау ауылында ұзындығы 2,1 км. каскадтар жүйесі мен жүргіншілер жолы құрылысы жүргізілуде. Орындалысы — 20 %.

Денсаулық сақтау саласы

8 ауылда ФАП құрылысы кезең-кезеңімен іске қосылуда (Қаракеңгір, Алғабас, Сарысу, Мибұлақ, Борсеңгір, Қоскөл, Байқоңыр, Терісаққан).
2025 жылы Қоскөл және Терісаққан
ауылдарына жаңа жедел жәрдем көлігі табыс етілді. Қарсақбай және Борсеңгір ауылдарына да жедел жәрдем көлігін беру жоспарлануда.

Спорт саласы

Жезді кентінде 160 орындық спорт кешенінің құрылыс жұмыстары 100% аяқталды. Бүгінде нысанды қабылдап алуға құжаттар рәсімделуде. Ғимараттың жылу жүйесі іске қосылды.
Терісаққан, Қоскөл ауылдарында спорттық ангар (жабық футбол алаңы) пайдалануға берілді.
Аудан бойынша 4 спорт нысандары, 8 балалар ойын алаңы орнатылды.

Инфрақұрылым және жолдар

Сарысу ауылына кірме жол – 21,270 км, бүгінге 17,5 шақырымға асфальт төселді. Жыл соңына дейін 4,5 шақырымына асфальт төсеу жоспарда. Нысанды 2026 жылы толық аяқтау үшін облыстық бюджет есебінен қаржы сұранысы берілді.
Сарлық ауылына кірме жол – 10 км, ағымдағы жылы толық асфальт төселді. Нысанды 2026 жылы толық аяқтау үшін облыстық бюджет есебінен қаржы сұранысы берілді.
Борсеңгір ауылына кірме жол – 15 км, 10,0 млн.теңге бөлініп жұмыстар жүргізілуде.

«Ауыл – Ел бесігі» жобасын
іске асыру шеңберінде

Қарсақбай кенті Болман ақын (0,317 км.), Сәтбаев (0,702 км.) көшелерінің көшеаралық жолдарына орташа жөндеу жұмыстары толық аяқталды.
Қарсақбай кентінен темір жол станциясына дейінгі ішкі жолына (2,710 шақырым) орташа жөндеу жұмыстары жүргізілді. 2026 жылы жөндеу жұмыстарын толық аяқтау жоспарда.
Ұлытау ауылының «Рәміздер алаңына» дейінгі (0,25 км.) және Айыртау елді мекеніне дейінгі жолды (5,5 км.) орташа жөндеу жұмыстары 2025-2026 жылдарға жоспарланып, биылғы жылға жоспарланған жұмыстар аяқталды. Нысан 2026 жылы толық аяқталу үшін сұраныс берілді.
Сарысу ауылының көшеаралық жолдарының орташа жөндеуі (2,61 км.) толық аяқталды.

Жұмыс күші тапшы өңірлерге
қоныс аудару

Ұлытау ауданы бойынша 2023–2025 жылдары аралығында «Жұмыс күшінің ұтқырлығын арттыру үшін адамдарды ерікті түрде қоныс аудару» бағдарламасының аясында ауданға оңтүстік өңірлерден 32 отбасы, яғни 134 азамат қоныс аударды.

Жылу беру маусымына дайындық

Жылыту жүйесіне қосылуы тиіс нысандар саны – 59 бірлік.
Қажетті көмір көлемі – 24 758 тонна (оның ішінде мекемелерге – 5 825 тонна) бүгінгі күнде көмір тасымалдау жұмыстары аяқталды.

2026-2028 жылдарға жоспарланған
аудан бюджеті

Ұлытау ауданы бюджетінің 2026-2028
жылдарға жобасы:
2026 жылы – 5 364 385 мың теңге. Салық кодексіне енгізілген өзгерістерге сәйкес, бюджет көлемі 2025 жылмен салыстырғанда 1,2%-ға кеміді (2025 жыл – 6 910 919 мың теңге).
2027 жылы – 5 795 207 мың теңге 2026 жылға қарай 0,2% — ға өсім.
2028 жылы – 6 257 685 мың теңге,2027 жылмен салыстырғанда өсім 0,2%.
I. 2026 жылға арналған ауданның (кент, ауылдық округтерімен қоса алғанда) меншікті кірісінің болжамы — 5 364 385 мың теңге көлемінде есептелген, оның ішінде:
— Салықтық түсімдер – 5 328 240,0 мың теңге,
— салықтық емес түсімдер 31 173,0 мың теңге,
— негізгі капиталды сатудан түсетін түсімдер 4 972,0 мың теңге.
2026 жылға арналған бюджеттің шығыс бөлігі – 6 502 239 мың теңгені құрайды.
2026 жылға жоспарланған кірістер кезінде аудан бюджетінің шығыс бөлігінде тұрақты сипаттағы барлық ағымдағы шығыстар толық көлемде көзделген.
2026 жылға жоспарланған даму бағдарламасын жүзеге асыру бойынша облыстық бюджет есебінен қажетті қаражат бөлуге сұраныс берілді. Аудан бойынша 7 инвестициялық жобаны іске асыру жоспарлануда. Оның ішінде:
Ұлытау ауданы Борсеңгір ауылына кіреберістегі 15 км. автокөлік жолына орташа жөндеу жұмыстарын жүргізу.
Ұлытау ауылындағы Иманжан көшесі бойымен ұзындығы 2,1 км өзен жағасында каскадтық жүйе мен автомобиль жолдарын салу және абаттандыру жұмыстарын жасау.
Ұлытау ауылындағы жабық жүзу бассейнінің құрылыс жұмыстарын толық аяқтау.
Пионер, Қоскөл, Сарлық ауылындағы су құбыры желілерін қайта жаңғырту.
Сарысу, Қарсақбай,Сарлық ауылы бойынша жол жөндеу жұмыстарын толық аяқтау.
Аудан бойынша электр желілерін күрделі жөндеуден өткізуді ЖСҚ-ға жасату және жөндеу жұмыстарын жүргізу.
Ұлытау ауылдық округіндегі «Рәміздер алаңына» дейінгі 0,25 шақырым кірме жолды және Айыртау елді мекеніне дейінгі 5,5 шақырым кіреберіс жолдың орташа жөндеу жұмысын толық аяқтау. Осылайша, 2025 жылғы 10 айда ауданның экономикалық-әлеуметтік дамуында айтарлықтай жетістіктерге қол жеткізілді.
Ағымдағы жылдың соңына дейін және алдағы уақытта ауданның барлық кенттер мен ауылдық округтер әкімдері елді мекендерінің әлеуметтік-экономикалық әлеуеттерін барынша пайдаланып, халықтың әл-ауқатын көтеруге септігін тигізетін жаңа жұмыс орындарын құру үшін инвестициялар тарту, өнеркәсіп, ауыл шаруашылығындағы кәсіпкерліктің мүмкіндіктерін барынша қолдану, құрылыс саласын дамыту, қоғамдық тәртіпті күшейту, бюджеттік қаражаттарды игеру бағытында мардымды жұмыстар жүргізу талап етіледі.