«Таза Қазақстан» акциясы экологиялық мәдениетті қалыптастыруға ықпал етеді

«Таза Қазақстан» – тек қана экологияға қатысты ұғым емес, ол – қоғамның мәдениеті мен жауапкершілігінің көрінісі. Қоршаған ортаны таза ұстау – әрбір азаматтың парызы. Себебі табиғат бізге уақытша берілген аманат.

Егер біз жерімізді, суымызды, ауамызды қорғап, тазалықты сақтасақ, болашақ ұрпағымызға дені сау орта қалдырамыз. Қоқыс тастамау, қайта өңдеуді үйрену, табиғи ресурстарды үнемдеп пайдалану сияқты қарапайым қадамдар үлкен нәтижеге жеткізеді. Ел болып бірігіп, ортақ іске жұмылсақ, жасыл желекке оранған, таза әрі әсем Қазақстанды құра аламыз. Бұл – тек бүгінгі күннің емес, болашақтың игілігіне жасалған ұлы қадам.

Алтынай ШЫНЫБЕКОВА,
Ұлытау ауданының тұрғыны.