Құрметті қаламгерлер мен жырсүйер қауым!
Жезді марганец кен орнының игерілгеніне 80 жыл толуына байланысты «Жезді ұланы» қоғамдық қорының қолдауымен «Жерұйығым – Жездім» ақындар (жазба) мүшәйрасы өтетінін хабарлаймыз.
Мүшәйра ережесі
Жыр мүшәйрасының мақсаты:
— Қазақ елінің өнеркәсіп тарихында ерекше орны бар Жезді кенішінің тарихы мен болашағын насихаттап, өлең өзегіне айналдыру;
— Жезді кенті мен кеніштің жетістіктері мен көкейтесті мәселелерін маржан жырмен өрнектеу.
Мүшәйраның шарттары:
жыр сайысына қатысушылардың жас мөлшері шектелмейді.
- мүшәйраға әр ақын 2 өлеңмен қатысады;
- бірінші шығарма міндетті түрде Жездіге арналған болуы керек;
- екінші шығарма еркін тақырыпта болуы шарт.
- өлеңдер бүркеншік атпен электронды нұсқада 2022 жылдың 8 қыркүйегіне дейін bulak@mail.ru электронды поштаға жіберіледі.
- жыр бәйгесіне қатысушының аты-жөні, шығармалар мәтіні конвертпен алдын-ала төмендегі мекен-жайға поштамен немесе қолма-қол жолданады: Ұлытау облысы, Ұлытау ауданы, Жезді кенті, Тоқтыбаев көшесі, 20 үй, «Жезбұлақ» кәсіпорны кеңсесі, ұйымдастыру алқасына.
Ұсынылған шығармамен қоса автор өзі туралы қысқаша мәлімет, байланыс телефоны, оқу немесе жұмыс орны жөнінде ақпаратты қоса тапсыруы керек.
Жыр бәйгесіне бұдан бұрын конкурсқа қатысқан немесе баспада жарияланған шығармалар қабылданбайды.
Шығармаларды арнайы комиссия сараптап, жыр сайысының үздіктерін анықтайды.
Мерзімінен кешіктірілген шығармалар байқауға жіберілмейді, қолжазба қайтарылмайды.
Мүшәйра жеңімпаздарын марапаттау осы жылдың 17 қыркүйегі күні Жезді кенті «Тойтөбе» алаңында өткізіледі.
Жеңімпаздарға дипломдар мен сыйлықтар тапсырылады.
Мүшәйраның қоры:
Бас жүлде – 500 000 теңге – біреу
І орын – 300 000 теңге – біреу
ІІ орын – 200 000 теңге – біреу
ІІІ орын – 100 000 теңге – біреу
Ынталандыру сыйлығы – 50 000 теңге – екеу
Сүйікті Жездіміз жайлы тақырып пен талғамға сай келетін, философиялық ой-толғаммен өрілген, шабытты жырлар күтеміз, ағайын!
Ұйымдастыру алқасы.
