Ұлытаулық оқушылар Ақордаға экскурсия жасады

Ұлытау облысының 3 оқушысы Ақорданың Президенттік резиденциясында болды.

Абай атындағы мамандырылған мектеп-интернатының 10-сыныптың үздік оқушысы, география пәнінен республикалық олимпиаданың күміс медаль иегері, химия пәні бойынша Қ.Сәтбаев атындағы облыстық олимпиаданың күміс медаль иегері, Almaty TECH CUP сутегі энергетикасы бизнес жобасының жүлдегері Әбдіқадыров Жанкелді Әлібиұлы,
Жезқазған қаласының №11 жалпы білім беретін мектебінің 9-сыныбының үздік оқушысы «Қазақстанның тарихи ескерткіштері мен келешегі зор туристік маршруттары» бағыты бойынша өткен республикалық сайыстың жүлдегері Габдуллина Айғаным Жаркенқызы,
Сәтбаев қаласының Абай атындағы №4 мектеп-лицейінің 5-сынып оқушысы, жекпе–жек, дзюдо турнирлерінің бірнеше дүркін жүлдегері Қарлыбай Нияз Жандосұлы резиденцияда болды.

Еліміздің әр өңірінен жиналған дарынды, озат, спортшы оқушылар үшін резиденцияға танымдық экскурсия ұйымдастырылды.

Халықаралық балаларды қорғау күнінде Ақордада болу оқушыларды болашақта жоғары жетістіктерге жетуге ынталандыратыны сөзсіз.