Ұлытау облысының «Өңірлік коммуникациялар қызметі» КММ директоры тағайындалды

Қазақстан Республикасы Президентінің жанындағы «Орталық коммуникациялар қызметі» КММ келісімімен және Ұлытау облысының Қоғамдық даму басқармасы басшысының бұйрығымен «Өңірлік коммуникациялар қызметі» КММ директоры болып Азамат Мұхамбетқазыұлы тағайындалды.

Азамат Мұхамбетқазыұлы 2001 жылы дүниеге келген.
2023 жылы Қазақстанның инновациялық және телекоммуникациялық жүйелер университетін «Менеджмент және басқару» мамандығы бойынша тәмамдаған.

Еңбек жолын 2022 жылы Ұзақбай Қазжанұлы атындағы мәдениет үйінде бастады.
2023-2024 жылдары М.Өскінбаев атындағы Маңғыстау облыстық филармониясында PR-менеджер қызметін атқарды.
2024 жылы Түпқараған жастар мекемесінде басшылық қызметтерде болды.

Осы тағайындауға дейін Ақтау телеканалында редактор болып қызмет атқарған.

Ұлытау облысының Қоғамдық даму басқармасының басшысы жаңа директорға сәттілік тілеп, Өңірлік коммуникациялар қызметін дамыту жолындағы жұмысына табыс тілейді.