Ұлытау облысы жастарының бастамаларын қолдауға 500 млн.теңгеден астам қаражат бөлінді
Бүгін жастар ісі жөніндегі кеңестің бірінші отырысы өтті. Отырысқа облыстық жастар ісі жөніндегі кеңестің мүшелері, облыстық басқармалардың басшылары, қалалар мен аудандардың жастар ресурстық орталықтарының басшылары, сондай-ақ ҮЕҰ мен БАҚ өкілдері қатысты.
Күн тәртібінде алты мәселе қаралды, оның ішінде – Ұлытау саласындағы жастар саясатын іске асыру, жастарды әлеуметтендіру және жұмысқа орналастыру жөніндегі шаралар, жастар арасында бұқаралық спортты дамыту, жұмыс істейтін жастарды әлеуметтік қорғау және дамыту.
Жиналғандарға, атап айтқанда, біздің өңірде 35 жасқа дейінгі облыс тұрғындарына неғұрлым тиімді шарттармен тұрғын үй сатып алуға көмектесуге арналған «Ulytau Zhastary» жастарға арналған тұрғын үй бағдарламасын іске асыру туралы айтылды. Ұлытау облысының әкімдігі «Отбасы банк» АҚ-мен бірлесіп осы мақсаттарға 750 млн теңге бөледі. Бұдан басқа, біздің өңір жастарының бизнес-бастамаларын қолдауға 500 млн теңгеден астам қаражат бөлінетін болады.
Сондай-ақ, Кеңес мүшелері түрлі саладағы жастарға арналған жобаларды қарастырды. Жақын арада Жезқазған қаласы мен Жезді кентінде спорттық-сауықтыру кешендерін пайдалануға беру жоспарланып отырғаны атап өтілді. Сонымен қатар, балалар мен жасөспірімдер арасында футбол мен хоккейді дәріптеу мақсатында балалар футбол орталығы мен «Арыстан» балалар хоккей мектебі құрылатын болады.
Білім беру саласында да маңызды жобалар іске асырылатын болады. Мемлекет басшысының тапсырмасы бойынша Жезқазғанда халықаралық мемлекеттік техникалық университет ашылады. Сондай-ақ, кампус салу жоспарлануда. Кездесуде атап өткендей, университет тау-кен ісі, туризм және IT-мамандықтар бойынша мамандар дайындайды.
Сонымен қатар, Кеңес мүшелері жастар арасындағы өзекті мәселелерді қозғап, оларды шешу жолдарын ұсынды. Кеңесте көтерілген мәселелер жастардың өзекті мәселелерін жүйелі түрде шешуге ықпал ететін болады.
Естеріңізге сала кетейік, Жастар ісі жөніндегі Кеңестің басты мақсаты – мемлекеттік жастар саясатын іске асыру тетіктерін жетілдіру, жастар саласындағы өзекті мәселелерді шешу, жастарды ынталандырудың жаңа тетіктері мен тәсілдерін қолдану, сондай-ақ жергілікті атқарушы органдарды, бизнес пен қоғамдық ұйымдарды жастар инфрақұрылымын дамыту мәселелеріне тарту бойынша жұмыстар жүргізу.
