Елімізде адам құқықтарын қорғау нығая түсті
Қазақстанның адам құқықтарын қорғаудағы саясаты соңғы жылдары елеулі реформаларға ұшырады, бұл елдің халықаралық құқықтық стандарттарға бейімділігін көрсетеді.
Ең маңызды қадамдардың бірі – Конституциядан өлім жазасын алып тастау. 2021 жылы Қазақстан өлім жазасын толығымен жойды, бұл елдің өмір сүру құқығын қорғаудағы адалдығын білдіреді. Осы шешім Қазақстанның Азаматтық және саяси құқықтар туралы халықаралық пактіге қосылуымен тікелей байланысты.
Сонымен қатар, азаптау фактілері бойынша тергеуді прокуратураның құзырына беру де маңызды реформалардың бірі болды. Бұл өзгеріс азаптау мен адам құқықтарын бұзудың алдын алу, сондай-ақ құқық қорғау органдарындағы жазасыздықпен күресу мақсатында қабылданды. Прокуратураға мұндай істі қарауға берудің мақсаты – тергеудің бейтараптығы мен объективтілігін қамтамасыз ету, сондай-ақ кінәлілердің жауапкершілігін күшейту.
Құқықтық реформалардан бөлек, Қазақстанның адам құқықтарын қорғау саласындағы халықаралық ынтымақтастығы да күшейе түсті. Елдің БҰҰ-ның Адам құқықтары жөніндегі кеңесі сияқты халықаралық ұйымдармен жұмыс істеуі және азаматтық қоғамның қатысуы елдің адам құқықтарын сақтауға деген ұмтылысын одан әрі айқындайды.
Нұргүл БАЙҚОҢЫСОВА,
Қарсақбай кентінің тұрғыны.
