Қарағанды медицина университетінің клиникасында мультиспиралды компьютерлік томограф орнатылды
Қарағанды медицина университетінің клиникасында ең аз сәулелік жүктемемен заманауи компьютерлік томограф орнатылды.
Мультиспиральды компьютерлік томограф салмағы 205 келіге дейінгі пациенттерді тексеруге мүмкіндік береді. Бұл жағдайда радиациялық жүктемелер пациенттің күнделікті рентгенография кезінде алатын жүктемелеріне жақын.
Жаңа қондырғыда тегін диагностикадан медициналық мекеменің стационарлық пациенттері, онкологиялық квоталары бар тұрғындар және МӘМС шеңберінде өте алады. Сондай-ақ, томография ақылы негізде қол жетімді.
«Жабдықты «Шеврон» компаниясы ҚР Денсаулық сақтау министрлігі бастамашылық еткен пандемиямен күресте Қазақстанға гуманитарлық көмек көрсету жөніндегі кең ауқымды бағдарлама шеңберінде сатып алды. Мұндай компьютерлік томографтар еліміздің алты медициналық ұйымы үшін сатып алынды», – деді клиникада.
Қарағанды облысында қазір барлығы 26 компьютерлік томография кабинеті бар. Бірақ жаңа құрылғы техникалық мүмкіндіктері бойынша ең заманауи болып табылады.
– Бұрын өңірде балаларды тексеруде қиындықтар туындаған, ол үшін анестезияны қолдану талап етілді. Жаңа құрылғы бұл мәселені шешеді. Ол өте жылдам. Зерттеулер аз уақыт алады. Сондай-ақ, жаңа кабинет қалған кабинеттердің жүктемесін жеңілдетеді және Қарағанды қаласының Октябрь ауданының тұрғындарына медициналық көмекті қолжетімді етеді, – деп атап өтті Денсаулық сақтау басқармасы басшысының орынбасары Бибігүл Төлегенова.
