Қарағанды балалар кітапханасы электронды кітаптар мазмұнын жаңартты
Абай атындағы Қарағанды облыстық балалар кітапханасы өз оқырмандарына жаңа мүмкіндіктер – букридерлер ұсынады. Оларды оқу залында пайдалануға болады. Электронды кітаптарға әлемдік, қазақ және орыс классиктерінің ең танымал шығармалары, мектеп бағдарламасы бойынша әдебиеттер енгізілген.
– Кітапхана өткен жылы екі букридер сатып алып, кітаптарды жүктеп, оларды пайдалануды іске қостық. Биыл олардың мазмұны жаңартылды. Пайдаланушылар үшін тағы бес электронды кітап сатып алу жоспарлануда, – дейді Абай атындағы балалар кітапханасының инновациялық және әдістемелік жұмыс бөлімінің басшысы Сәуле Жүсіпова.
Оның айтуынша, кітапханада қағаз тасығышта жоқ электронды форматтағы шығармалар сұранысқа ие.
– Негізінен бұл мектеп бағдарламасына енген қазіргі балалар авторларының өлеңдері мен әңгімелері. Мысалы, Виктория Токареваның «Рождестволық әңгіме», Александр Новоселовтың «Санькин марал», Владимир Тендряковтың «Хлеб для собаки» және басқалары. Букридерлерде барлығы 135 шығарма бар, – деді Сәуле Жүсіпова.
