Бұқаралық спорт – ұдайы назарда
Ұлытау аудандық әкімдігінде аудан әкімінің міндетін атқарушы Мақсұт ОСПАНОВТЫҢ төрағалығымен кеңейтілген аппарат мәжілісі өтті. Жиынға аудандық мәслихат хатшысы Аманжол МЫРЗАБЕКОВ қатысты. Ал, кенттер мен ауылдық округтер әкімдері ZOOM платформасы арқылы қосылды.
Алғашқы кезекте Мақсұт Сәрсембайұлы аудан активіне Ұлытау ауданы әкімінің орынбасары лауазымына тағайындалған Аян Әбжамаловты таныстырып, қызметіне сәттілік тіледі.
Бұдан кейін аудандық дене шынықтыру және спорт бөлімінің басшысы Марат Оразалин 2022 жылдың 9 айында атқарған жұмыстары және алдағы жоспары туралы баяндады.
Баяндамаға сәйкес, М.Оспанов ауданда спорт түрлері бойынша құрама командаларды жасақтау, жастарды спортқа баулу жұмыстарын одан әрі ширатуды тапсырды. Мәселеге қатысты кент, ауыл әкімдері де ұсыныс-пікірлерін білдірді.
Мәжілісте басқа да мәселелер қаралып, жергілікті әкімдерге, мекемелер мен бөлім басшыларына бірқатар тапсырмалар берілді.
Аудан әкімінің баспасөз қызметі.
