Ардагер спортшының жетістігі
Жуырда Нұр-Сұлтан қаласында дзюдодан ардагерлер арасында республикалық турнир өтті. Оған қатысқан жерлесіміз Аманбек БАЙМАҒАНБЕТОВ елге мерейлі күйде оралды.
Байрақты бəсекеде ол татамиге 60 келі салмақ дəрежесінде шықты. Турнир қорытындысы бойынша өз салмағында қостанайлық жəне павлодарлық балуандардан кейінгі жүлделі ІІІ орынға ие болды.
– Бұл жарысқа аудандық денешынықтыру жəне спорт бөлімінің жолдамасымен бардым. Республикалық жарысқа еліміздің барлық облыстарынан үздіктер келетіні белгілі. Облыс пен ауданның намысы үшін белдесіп, нəтижесінде жүлделі орынға қол жеткіздім. Алдағы уақытта Талдықорған қаласында қазақ күресінен өтетін республикалық турнирге дайындалатын боламын, – дейді Аманбек Баймағанбетов.
Өз тілшімізден.
