Сақтық шаралары сақталуда

Осы індет салдарынан қаншама адам көз жұмды, қаншама адам отбасынан жырақта қалды, қанша адамның жоспарлаған істері орындалмай қалды. Сондықтан жер-жерлерде оның алдын алу, таралуына жол бермеу шаралары қатаң жүріп жатыр. Әсіресе, сақтық шаралары барлық елде қатаң қолға алынды. Біз бұл індетті тәртіп және тазалық сақтап, өз-өзімізді оқшаулаумен ғана еңсере аламыз.

«Тәртіпке бағынған ер құл болмайды», «Сақтансаң сақтайды» деген сөздер бекер айтылмаған. №5 Пионер жалпы білім беретін мектебінің оқушылары да сақтық шараларын қатаң сақтану арқылы алтын ұя мектебінде дәстүрлі жүйе бойынша білім алуда. Оқушылар мен оқытушылардың қауіпсіздігі үшін әр сыныпқа жасалған қоңырау кестесі бар. Балалар қолдарын сабынмен (кемінде 20 секунд) жиі жуып немесе құрамында спирті бар антисептикті жиі пайдаланады. Мектеп құрамында хлоры бар сумен, немесе басқа да дезинфекциялаушы құралдармен залалсыздандырылып, ылғалды тазалаймыз. Оқушылар мен оқытушылар медициналық бет перде киіп, оны әрбір екі сағат сайын айырбастап отырады. Сабақ өтілген бөлмелерге кварц қойылады. Оқушылар арақашықтықты қатаң сақтайды.

Еліміздің барлық оқушылары мектептерімен қайта қауышсын десек осы сақтық шараларын қатаң ұстауымыз керек. Әлемде болып жатқан коронавирус пандемиясы жойылсын. Еліміз аман, жұртымыз тыныш болсын!

Дильбар ЮСУПОВА,

Ақтас кенттік округі,

Пионер бөлімшесінің медбибісі.