Құрбан айт мейрамы тойланды
Күллі мұсылман қауымы үшін ұлық мереке саналатын қасиетті Құрбан айт мейрамы – Ұлытау ауданында сән-салтанатымен аталып өтті. Мешіт ауласында өткен мерекелік шараға аудан әкімінің орынбасары Алмаз ҚАЙЫРБЕК, ауыл ақсақалдары және мешіт жамағаты қатысты
Ұлық мерекеге жиналғандарды мешіт имамы Жанболат Рақымбердиев құттықтап, мейрамның мән-маңызын түсіндіріп, жамағатпен айт намазын оқыды. Бұдан соң, құрбан шалу рәсімі өткізіліп, сойылған малдың еті тұтастай мұқтаж жандарға таратылды.
Мереке құрметіне түрлі спорттық шаралар ұйымдастырылды. Қол күресі, кір тасын көтеру және арқан тартыс сайыстары өткізіліп, мерейі үстем түскен жеңімпаздар сый-сияпатқа ие болды.
Оқушылар арасында «Мұғалім сәни» сауат ашу кітапшасынан сұрақ-жауап сыны және Құранды жатқа оқудан жарыс өткізіліп, барлық қатысушыларға бағалы сыйлықтар берілді.
Жасұлан АЯШЕВ
