Судағы қауіпсіздік сақталуы тиіс
Ұлытау ауданы ТЖ бөлімі қызметкерлерімен бірге аудандық полиция бөлімі қызметкерлері Ұлытау ауданы территориясында орналасқан суға шомылу орындарын рейдтік іс-шаралар атқаруда.
Суда абай болыңыз, тəртіп ережесін орындаңыз! Бұл өкінішті оқиғаларға ұрынудан жəне туғандарыңыз бен жақындарыңызды уайымнан сақтайды.
Жақсы жүзе білетіндерге, суда сақтық шараларын орындап, абай болғандарға су қорқынышты емес. Тосын қорытындыға келетін болсақ, жақсы жүзушілер өздерін суда сенімді сезінгендіктен жəне əлдерін білмегендіктен суға көп батады.
Су айдындарында адамдардың апатқа ұшырау себебін талдасақ, суға батқандардың жартысы ережені бұзған азаматтардан құралса, үштен бірі мас күйінде, ал қалғандары – үлкендердің қарауынсыз қалған балалар екенін көреміз.
Балаларды қараусыз қалдырмаңыздар!
Оларға су қоймалары бар аудандарда жалғыз жүруге рұқсат етпеңіз. Суда балалармен бірге демалып жатқан болсаңыз, əсіресе шомылу уақытында оларды жалғыз қалдырмаңыз. Таяз жерлерде де олармен бірге болыңыз. Суда серуендеуге арналмаған заттарды қолданудың алдын алыңыз. Ұқыпты болыңыз, көмек қажет болған балалардың жанынан өте шықпаңыз. 14 жасқа жетпеген балаларға су қоймаларында жалғыз болуға тыйым салынады.
Сондықтан Сіз су айдынында демалып жатсаңыз да, қармақпен балық аулап отырсаңыз да, қашанда есте сақтап жүретін қарапайым ережелерді естеріңізге саламыз.
Жүзе алмайтын болсаңыз, беліңізден жоғары болатын суға түспеңіз.
Мас күйіңізде жəне тамақтанып алғаннан соң суға түспеңіз.
Алкогольге қаныққан организмде өзін-өзі бақылау төмендейді, тыныс алу жəне жүрек қызметі ауырлайды, адамды ұйқы басады.
Таныс емес жерлерде шомылмаңыз.
Тексерілмеген су айдыны, терең шұңқырлар, күшті ағыс, лайлы жер — осының барлығы адам өліміне жəне жарақаттануға əкеліп соқтырады. Егер сіз жақында ғана осы су айдынында шомылған болсаңыз да, түбін тексеріңіз: ішіп алған топ бес минутта консерві банкілерімен жəне бөтелке сынықтарымен толтырып тастауы мүмкін. Белгіленген жерлерде шомылыңыздар: жағажайларда, су станцияларында, бұл жерлерді құтқарушылар қоқыстардан жинап, бақытсыз жағдайға душар болған жағдайда, Сізді мамандандырылған көмекпен қамтамасыз етеді.
Ұлытау ауданы ТЖ бөлімі.
