Қарағанды облысында бес ковидтік госпиталь жабылды

Қарағанды облысында босаған бес ковидтік госпиталь жабылды. Олар халыққа көпбейінді медициналық көмек көрсету үшін штаттық жұмыс режиміне оралды.

– Сырқаттанушылық көрсеткіші екі есеге жуық төмендегені байқалады. Орташа алғанда, біз күніне 350-ге дейін жағдайды анықтаймыз. Осыған байланысты бізде төсек қорының жүктемесі азайды. Барлығы 4 264 төсек орналастырылды, бұған дейін біз олардың 1 433-ін жинап тастадық. Соның арқасында бес ковидтік госпиталь жабылды. Олар Қарағанды облысының тұрғындарына көпбейінді көмек көрсету үшін қайтарылды. КВИ төсектерінің жүктемесі 29 пайызды құрайды, – деді Денсаулық сақтау басқармасының басшысы Гамаль Тоқсамбаев.

Госпитальдардың жан сақтау бөлімшелерінде 80 науқас жатыр. Олардың көпшілігі ұзақ уақыт өзін-өзі емдеуден кейін өкпенің зақымдануының жоғары пайызымен инфекциялық ауруханаларға түскен. ӨЖЖ аппараттарына 9 адам қосылған.

Аурудың төмендеуіне қарамастан, босаңсуға әлі ерте. Аймақ әлі де «қызыл» аймақта.

– Біз облыс тұрғындарын өзін-өзі емдеумен айналыспауға, барлық шектеу шараларын сақтауға және өздері мен жақындарын қорғауға шақырамыз, – деді қарағандылықтарға Гамаль Тоқсамбаев.

Өткен тәулікте, 14 қыркүйекте, облыста 340 жаңа КВИ жағдайы тіркелді, 354 адам сауығып кетті.