Шырайлы шара нәтижесі

Биылғы жылдың сәуір айында Қоскөл ауылдық округінде «Ең көрікті аула» акциясы бастау алған болатын. Оны ауылдың жанашыр азаматы Жанкелді ЖҮГІНІС ұйымдастырған еді. Жуырда акцияның қорытындысы шығарылып, жеңімпаз бен жүлдегерлер анықталды.

Нәтижесінде Нұртазиновтар отбасы І орынды иеленіп, жеңімпаз атанды. Көбегеновтер отбасы ІІ орынды еншілесе, Тынымбаевтар отбасы ІІІ орынды жеңіп алды.

Мерейі өскен отбасылар мүшелерін ауыл әкімі Қалдыбек Кәкімжанов пен аудандық мәслихаттың депутаты Қасқырбек Әбуов ақжарыла құттықтады. Алғыс хатпен қаржылай сыйақы табыс етті.

Ауыл әкімі осындай іс-шаралар ауылдың санитарлық тазалығына, одан әрі өркендеуіне пайдасы тиетінін айтып, мұндай қадамдар алдағы уақытта да жалғасын табатындығына сенім білдірді. Сондай-ақ, акцияны ұйымдастырушы Жанкелді Арынғазыұлына ауыл тұрғындары атынан алғыс айтты.

Жасұлан АЯШЕВ,

ҚОСКӨЛ ауылы.