Ұйымшылдық үлгісін танытты

Аудан орталығында сәулеттендіру, санитарлық тазалау мақсатындағы сенбіліктер мен тазалық бейсенбіліктері үздіксіз ұйымдастырылып келеді. Өткен бейсенбі күні де ортақ мүдделі шараға аудандық мекемелер мен кəсіпорындар ұжымдары бекітілген кестеге сәйкес қатысып, ұйымшылдық үлгісін танытты.

Соның аясында Тәуелсіздік, Тайжан, Сәтбаев, Абай көшелерінің бойы, балалар ойын алаңдарының төңірегі, «Ұлытау» саябағы, Тасбұлақ, Күмісбұлақ, Ембұлақ маңайы мен Асанқайғы ескерткішінің іргесі, сондай-ақ, ауылды жарып ағатын өзен бойы қоқыстан тазартылды. Сонымен қатар, Ұлытау-Арқалық, Ұлытау-Жезқазған бағытындағы көлік жолдарының бойында да тазалық жұмыстары жүргізілді. Бейсенбілікке арнаулы техникалар жұмылдырылып, қатты қалдықтар сыртқа шығарылды.

Шара барысында індеттің таралуына жол бермеу мақсатындағы шектеу талаптары қатаң сақталды.

Аудан бойынша санитарлық тазалық жұмыстары жоспарлы түрде жалғасын таба береді.

Өз тілшімізден