Ауыл тұрғындары мен фермерлердің назарына!
Жаз — ауыл шаруашылығы мен мал жаюдың қарбалас мезгілі. Теміржол қауіпті аймақ екенін ұмытпай, қауіпсіздік ережелерін қатаң сақтайық.
Мал жаю кезінде малды теміржолдан кемінде 100 метр қашықта ұстаңыздар. Оларды қоршалған жерде немесе бақташы бақылауында ұстаған жөн. Малдың қозғалысын үнемі қадағалап, қараусыз қалдырмаңыздар. Егер мал жоғалып кетсе, дереу жергілікті әкімдікке немесе станция кезекшісіне хабар беріңіздер. Теміржолдан өтерде тек арнайы өткелдерді, көпірлерді немесе жерасты өткелдерін пайдаланыңыздар. Пойыз жақындап келе жатса, жолды кесіп өтуге болмайды. Вагондардың астынан өтпеңіздер, үстіне шықпаңыздар. Жолдан өтерде құлаққап кимеңіздер, айналаға алаңдамаңыздар, пойыздың даусын естімей қалуыңыз мүмкін. Балаларды теміржол маңына жібермеңіздер, ойнауына немесе велосипед тебуіне рұқсат бермеңіздер. Теміржолға мал шығып кетсе, пойыз шұғыл тежеуге мәжбүр болады. Бұл апатқа, жарақатқа, материалдық шығынға немесе әкімшілік жауапкершілікке әкеледі. Қауіпсіздік — бәріміздің ортақ міндетіміз. Сондықтан айтылған түсініктемені қаперге алыңыздар. Өз өміріңізді және жақындарыңызды сақтаңыздар!
Данияр ЖАНДАРБЕК,
Қоскөл станциясының ЖПБ бастығы.
