Жұмысшы мамандар – қоғамның ең басты тірегі әрі нағыз еңбек қаһармандары

Олар күнделікті өміріміздің әрбір саласында өз еңбегімен үлес қосып келеді. Құрылысшы болмаса – жаңа үйлер мен мектептер салынбас еді, дәнекерлеуші болмаса – зауыттардағы өндіріс тоқтап қалар еді, жүргізуші болмаса – халық қажет жеріне жетпес еді. Әрбір жұмысшы маман – өз ісінің шебері, қоғам үшін баға жетпес тұлға.

Жұмысшы мамандықты таңдау – тек күнкөріс қамы емес, ол – адалдық пен табандылықты қажет ететін үлкен жауапкершілік. Олардың еңбегі арқылы еліміз өркендеп, халықтың тұрмысы жақсарады. Көп жағдайда жұмысшы еңбегі көзге көрінбей қалады, бірақ әрбір жетістік пен дамудың артында дәл осы мамандардың маңдай тері жатыр.

Қаламқас АБДИКАРИМОВА,
жеке кәсіпкер.