Сирек кездесетін металдардың мол кені Орталық Азияда шоғырланған
Қасым-Жомарт Тоқаев екінші «Орталық Азия – Қытай» саммитінде озық технологиялар алмасуға және энергетика инфрақұрылымдарын жаңғыртуға ниетті екенін жеткізді.
«Әлемдегі уран қорының 20 пайызы, мұнайдың 17 пайыздан астамы, табиғи газдың 7 пайызы, сондай-ақ сирек кездесетін металдардың мол кені Орталық Азияда шоғырланған. Яғни бұл саладағы әлеуетіміз орасан зор. Біз озық технологиялар алмасуға және энергетика инфрақұрылымдарын жаңғыртуға ниеттіміз», – деді Мемлекет басшысы.
Сондай-ақ Қасым-Жомарт Тоқаев жуық арада Қытай Халық Республикасымен ядролық энергетиканы дамыту саласында ынтымақтастық орнату мақсатында келісімге қол қоюға дайындық басталатынын айтты.
