ҰЛЫТАУ АУДАНЫ ЕГІННЕН 17 МЫҢ ТОННАҒА ЖУЫҚ ӨНІМ АЛДЫ

Ұлытау ауданында егін ору науқаны аяқталуға жақын. Қазірдің өзінде аймақта бас аяғы 20800 гектар егістік алқабы сәтті игерілген. Оның 15410 тоннасы бидай өнімі болса, 1430 тоннасы арпа дақылы. Диқандар егін ору жұмыстарын 20 қыркүйекке дейін аяқтауды жоспарлап отыр.

⠀
Жалпы ауданда 23 шаруа қожалығы егін шаруашылығымен айналысады. Биыл егін ору науқанына 46 комбайн, 80 автокөлік, 100-ден астам еңбек адамдары қатысуда.

Айта кететін жағдай, Ұлытау ауданында техника паркін жаңарту соңғы жылдары қарқынды жүргізілуде. Биылдың өзінде ауыл шаруашылығы саласын қолдау бағдарламалары аясында 3 дана комбайн, 27 дана трактор, 2 дана жүк тиегіш, 5 дана пресс подборщик, 13 дана әр түрлі (тырмауыш, вилла ковш т.б.) техника алынды.