Кәсіподақта – жаңа төраға
Сейсенбі күні «Ауыл шаруашылығы қызметкерлерінің салалық кəсіптік одағы» қоғамдық бірлестігінің Ұлытау облысы бойынша филиал төрағасы болып Мақсұт ОСПАНОВ тағайындалды.
Аталған кəсіподақ бірлестігінің ұйымдық-құқықтық жөніндегі бөлім меңгерушісі Қайынғазы Достаев Ұлытау ауданына арнайы келіп, филиал төрағасы Мақсұт Сəрсембайұлын аудан активіне таныстырды.
Өз сөзінде Қайынғазы Жəнібекұлы бұрынғы кəсіподақ төрағасы Шаяхмет Үмбетовке кəсіподақ бірлестігінде атқарған өнімді еңбегі үшін ризашылығын білдірді.
Жиында сөз алған аудандық ардагерлер кеңесінің төрағасы Əлімбек Жандарбеков Мақсұт Сəрсембайұлының қай қызметте жүрсе де өз ісін адал атқарғанын, тəжірибесі толысқан білікті басшы болғанын айта келіп, ауыл шаруашылығы қызметкерлерінің салалық кəсіптік одағында да тындырымды жұмыс атқара алатынына сенім білдірді.
Қайрат ЖҰМАБАЙ.
